(Foto: Landi Havenga)

J&T-kamp

Desember kamp (1-7 Desember) begin oor

Day(s)

:

Hour(s)

:

Minute(s)

:

Second(s)

Wat J&T is

J&T (Junior & Tiener Week) is ŉ Christelike kamp wat halfjaarliks plaasvind. Dit is gemik op juniors en tieners wat graag ŉ verhouding met die Here wil bou. Geleë in ŉ rustige natuurlike omgewing ver van die lawaai van die stadslewe in Dundee, Kwa-Zulu Natal, is die kampterrein perfek vir baljaar. Tussen al die gebaljaar word almal twee keer ŉ dag rustig soos hul die Here loof en prys tydens godsdiens. Tydens die kamp word daar baie gefokus op geestelike groei en die belangrikheid om ŉ persoonlike verhouding met die Here te bou.

Elke kamp is vol opwindende aktiwiteite soos zipline, kaskar ry, sport, skattejag en baie meer. Elke kamp het sy unieke tema. Hierdie tema word dan gebruik om spesifieke aktiwiteite en boodskappe uit te werk wat die kinders nuttig maar nie vervelis sal vind nie.

Jana de Beer (Regs) en Nadia Grobler(Links) is besig om ‘n ruskansie van ‘Clash of the Titans’ te neem.

Kinders se ervaring

Ek hou daarvan om die mense waarvoor ek lief is te sien en nuwe vriende te maak. Die hoogtepunt van kamp is om in ‘n pragtige omgewing te kan sit (Al die mense by die kamp maak die natuur nog mooier) en om met die Here te kan gesels en die natuur te sien wat Hy vir ons gemaak het.❤

Douw Leeuw

Die hoogtepunt van tienerweek vir my was die geleentheid om nuwe en spesiale vriende te maak, die wonderlike speletjies wat ons gespeel het en die belangrikste, was dat ons nader aan God gegroei het.

Welton Botha

Nokwazi (16) besig om baas te word van Clash of the Titans.

Storietyd; Hoe is die kamp se temalied geskryf?

J&T winter kamp 2024 was geseën met ‘n tema lied wat spesiaal vir die kamp geskryf was. Eaton Clapper (‘n musikant) het sy passie vir musiek en sy passie vir die kampe bymekaar gevoeg en die wonderlike stuk geskryf. Luister gerus na die potgooi oor hoe die liedjie geskryf was, uitdagings wat in die oë gestaar was en inspirasie wat gekom het. Die tweede potgooi is die volledige liedjie “The Greatest story ever told” wat deur die Helderberg sêr gesing word.