Natasja Rowe-Rowe besig om vir die kinders te vertel wat gesonde grense behels tydens winter J&T 2024 kamp

Die waarheid oor grense was die onderwerp van die week, as jy by Natasja Rowe-Rowe se seminaar ingestap het. Sy het met die tieners gesels en vir hulle  vertel oor die belangrikheid van grense, en hoe om by jou woord te bly. 

Welton Botha, een van die tieners by die kamp, het wat sy met hulle kom deel het so mooi opgesom; “Ek het geleer dat jy altyd iemand anders se grense moet oorweeg voordat jy iets doen. Ek het ook geleer dat as iemand “Nee” sê, is die finale antwoord “Nee”. Die laaste ding wat ek geleer het, is dat wanneer iemand “Nee” sê, jy nie manipulerend moet wees en domineerend raak nie.”

Natasja Rowe-Rowe is ʼn kliniese spesialis in Kinder en Adolessente Psigiatrie.  Sy bied al vir jare haar dienste by die kampe aan . Haar tema’s sluit in: hoe om ‘n boelie te hanteer, hoe om gesonde grense te stel en wat ‘n goeie verhouding behels. 

Sy het hulle toegerus met riglyne en vaardighede wat hulle hopelik in die toekoms (soos hulle as tieners ontwikkel) sal gebruik. Haar hoop is dat die tieners die opleiding geniet en ʼn positiewe ervaring gehad het. Haar wens vir die kinders is dat hulle goeie maats sal ontmoet wat ook vir God lief is, en in hulleself sal groei. 

Die tieners luister aandagtig by winter J&T 2024 terwyl Natasja hulle raad gee oor hoe om boelies te hanteer.

Die kinders beaam Natasja se wens vir hulle deur te vertel wat dit vir hulle beteken het: Hannah de Klerk het vertel dat sy geleer het dat mens nie altyd hoef “Ja” te sê net omdat dit ja is nie. Karabo Kgatlhane deel in haar siening “Dit was die eerste keer dat ek enige terapie klas bygewoon het. In die begin het ek nie gedink dit gaan waardevol wees nie, maar nou het ek geleer hoe om “Nee” te kan sê.”

Vir Natasja is die kamp ʼn manier om kinders te kan help met die vaardighede wat sy het, maar nie sonder die moeilike gevalle wat sy daagliks in die oë staar nie.  Sy werk met kinders wat sukkel met enige psigiatriese en of emosionele probleme. Dit sluit dikwels steurings soos ADHD, angs en depressie in. Sy werk ook met kinders wat trauma beleef het.

Die juniors luister aandagtig terwyl Natasja hulle raad gee oor hoe om boelies te hanteer by winter J&T 2024. 

Juniors besig om te leer hoe om natuurlike middels te gebruik. (Foto: Landi Havenga, kamp fotograaf)

Die Juniors het met die 2024 winterkamp van natuurmiddels geleer-hulle kon die krag daarvan prakties sien soos 2 mediese sendelinge (Juanita Pretorius en Marinda Labuschangne – ook ‘n apteker) uit hul pad gegaan het om dit vir die juniors onvergeetlik te maak. 

Juniors besig om te leer hoe om waterterapie te gebruik. 

R,iana Coetzee, die koördineerder van die juniors, vertel dat sy hulle gevra het om dit aan te bied, sodat die kinders kan leer dat hulle iets kan doen om gesonder te wees en hoe om gebruik te maak van dit wat tot hul beskikking in die natuur is.

Juanita het in haar aanbieding gefokus op hidroterapie. Sy het dit vir die kinders prakties gemaak deur demonstrasies en hulle ook die kans gegee om dit self te probeer. Sy het ʼn kind ʼn koue T-hemp laat aantrek en toe in ʼn kombers toegedraai. Die liggaam werk dan oortyd om daai kol wat koud is weer warm te kry. Die ekstra bloedvloei help dan vir vinnige genesing. Die kinders het daarna dit prakties toegepas deur op mekaar warm en koue behandeling te oefen.

“Dit wat ons by Tannie Juanita geleer het was baie lekker, ons kon dit op mekaar oefen en ons het so lekker gelag vir een van die seuntjies. Die tannie het hom soos ʼn mummy toe gedraai in nat beddegoed.” Dit is wat Laurika Karsten (10), wat die winterkamp by gewoon het te sê gehad het.

Marinda het vir die kinders geleer watternatuurlike middels hulle kan gebruik vir kleiner kwale. Die kinders het geleer hoe hulle tiemie, heuning, aalwyn en ander natuurlike middels kan gebruik vir minder ernstige kwale. Marinda het ook vertel hoe sy in natuurlike en mens gemaakte medikasie glo. Hulle het ook ʼn eenvoudige hoesstroop uit heuning, echinacea, elderberrie en tiemie gemaak wat hulle op ʼn daaglikse basis kan gebruik om hulle immuunsisteem te versterk. Marinda sê: “Ek sal graag wil hê dat die kinders moet onthou dat God vir ons ʼn skatkis gegee het waarmee ons minder ernstige kwalle en siektes kan behandel”

Celeste Esterhuizen (13) een van die juniors vertel “Ek het die natuurlike medisyne klas baie interessant gevind, Ek het geleer dat jy natuurlike goed kan gebruik om gesond te kan word. Jy kort nie altyd ʼn dokter nie”

Juanita Pretorious besig met die mummy demonstrasie vir die water terapie seminaar.

Themaba Fikoloma, een van die fasiliteerders besig om Ramond Fourie(16) se voete te was tydens nagmaal. (Foto: Juri Swanepoel, kampfotograaf)

De winterkamp het ʼn rekord aantal borgskappe vir die kinders voorsien. Van direkte borgskappe tot individue wat geld aan J&T stuur om aan kinders wat dit nie kan bekostig nie te allokeer. Borgskappe het aangehou om in te kom.

Die afgelope winterkamp het daar 15 mense geld vir J&T gegee, spesifiek om kinders se kostes te help dek. Die totaal wat bygedra is was ʼn totaal van R130 000.00. Met die geld was 45 kinders die kans gegee om die kamp te kon bywoon.

Die kinders wat geborg was, se harte loop oor van dankbaarheid. Hier is ʼn paar van hulle se woorde:

Joburg North is een van die gemeentes wat baie moeite insit om uit te reik na hulle jongmense. Bonnie Bowen, ʼn leier in die kerk, het vertel hoekom hulle kerk so sterk glo in die kampe. Die kerk het ʼn kultuur van gee en ondersteuning vir die kinders geskep. Dit is nie iets wat oornag gekom het nie vertel sy.

Haar broer was so 32 jaar terug na een van die eerste kampe toe gestuur. Sy vertel hoe 8 van hulle kerk se jongmense gegaan het en toe nog vasgekeer was by die kamp omdat dit gesneeu het. Daarna was ʼn geestelike, en verstandelike groei in die kinders te sien. Die leiers wat ontwikkel word en die geestelike groei wat plaasvind is van die redes hoekom hulle kinders aanmoedig om die kamp by te woon.

Een van die kinders wat omtrent 30 jaar terug deur die kerk geborg was het die jaar self bygedra om ander kinders na die kamp te stuur. Hierdie jaar was daar ʼn totaal van 16 kinders en drie fasiliteerders van die gemeente Joburg North af by die kamp, waarvan 6 geborg was.

Megan Wass, een van die fasiliteerders by die kamp was geborg. Sy vertel dat dit baie vir haar beteken het toe mense bereid was om haar te ondersteun sodat sy kamp kom bywoon. Dit wys net vir haar ʼn bewys dat mense nog steeds belangstel om kinders te help en te ondersteun.

Altesame was 71 van die kinders wat die kamp bygewoon het kinders geborg. Dit is 43% van die winterkamp se bywoners. Dit beteken so baie vir die span hier by J&T dat so baie mense glo in die kampe en wil belê in kinders se geestelike toekoms. Heino Torlage, stigter van die kampe, sê altyd dat kinders die belangrikste sendingveld is en dat daar belê moet word in die geestelike toekoms van kinders.

Megan Wass, fasiliteerder, besig om die afgelope winterkamp Bybel studie saam die tieners uit te lei. (Foto: Juri Swanepoel, kamp Fotograaf)

Jean Coetzee besig om vir die tieners te demonstreer wat om te doen as olie aan die brand slaan.

Tienerweek 2024 het met ʼn brandbestrydingsseminaar vir die Tieners begin. Jean Coetzee, ʼn gekwalifiseerde brandweerman het tydens winterkamp vir die tieners van basiese brandveiligheid kom leer.  Kyle Govender, ʼn gekwalifiseerde noodhulppraktisyn en senior vlieg-paramedikus, het Jean geassessteer met basiese noodhulp en die kinders geleer wat om te doen as iemand verstik.

Die kinders het in die laat middagson op die grasperk gesit met opwinding, duidelik op hul gesigte te lees. Soos die winterkoue die son se hitte begin steel, het vlamme van die demonstrasie die kinders warm gehou. 

Soos die gretige hande opgeskiet het met vrae beantwoord, was Kyle en Jean gehoop hulle maak n verskil en dat wat hulle daardie dag vir die kinders geleer het , lewe sou kon red.

Elke kind het iets dié dag daaruit geleer. “Jesus is ons brandweer man,” soos Mieke de Wilde (15) dit gestel het, en Hannah de Klerk het vertel dat sy nie geweet het watter nood nommers om te skakel ingeval daar ʼn brand is nie. Hierdie is kritiese inligting wat ek nie geken het nie.

Jean Coetzee saam met sy brandweer waterenjin. 

Jean sal nooit daai eerste paar kere vergeet toe hy uitgegaan het na ʼn toneel, en hoe die adrenalien deur sy are gepomp het nie, “Ek gaan nou die kans hê om iemand se ergste dag dalk ʼn bietjie beter te maak”  Hy het later vertel dat dit nie altyd maklik is in die bedryf nie. Daar is soms omstandighede, waar hulle besef dat daar nie meer iets gedoen kan word nie, en dat hulle hande afgekap is. Al is daar sulke gevalle, demp dit nie sy passie om aan te hou nie, en vind hy nog steeds vervulling in sy beroep.

Die begeerte om ʼn verskil te maak is sterk in elke nooddienswerker se bloed.  Kyle het sy mening beaam “Dit help om te weet dat jy besig kan wees om die kinders te leer hoe om hulleself eendag in die toekoms te red. Dit gee jou ʼn gevoel van vervulling dat jy is besig is om iets positief te doen en die mensdom te help.”